जाडो मौसममा खाइने फल हो, बदाम । जाडोमा घाममा बसेर सुन्तलासंग बदाम खानुको मज्जा छुट्टै हुन्छ । यसमा पर्याप्त मात्रामा पौष्टिक तत्व पाइन्छ । यसले शरीरमा विभिन्न लाभहरु पुर्याउँछ । के के हुन् ती लाभ स्

१। तौल नियन्त्रण
बदाम खाँदा पेट छिटो डुम्म हुने भएकोले अन्य क्यालोरियुक्त चिल्लो खानेकुरा खाने इच्छा हुँदैन । जसले थोरै खाने इच्छा हुन्छ र मानिसको तौल घट्ने सम्भावना हुन्छ ।

२। क्यान्सर
बदाममा ‘फाईटोस्टेरोल’ नाम तत्व पाइन्छ । फाइटोस्टेरोलले शरीरमा आधारभूत रुपमा ट्युमरलाई नियन्त्रण गर्छ । जसबाट क्यान्सर हुनबाट जोगाउँछ ।

३। कोलेस्टोरल
बदाममा असंतृप्त फ्याटी एसिड प्रचुर मात्रामा पाइन्छ । जसले बदामको सेवनले शरीरमा सन्तुलित कोलेस्ट्रोल स्तर कम गर्दछ र विभिन्न प्रकारका रोग हुनबाट बचाउँछ ।

४। मधुमेह
बदाममा म्याग्नेसियमसमेत पाइन्छ । यसले शरीरमा उचित मात्रामा ब्लड सुगर तह कायम राख्न लाभकारी मानिन्छ । जसका कारण मधुमेह हुनबाट जोगाउँछ ।

५। स्ट्रोक
बदाममा विभिन्न प्रकारका ‘एन्टि अक्सिडियन्ट’ तत्व र खनिज तत्व पाइन्छ । जसका कारणले मुटुमा हुने हर्ट स्ट्रोक वा मुटुसम्बन्धी जुनसुकै रोगबाट जोगाउँन मद्दत गर्दछ ।

६। डिप्रेसन
बदाममा पाइने ‘ट्राईपटोफन’ नामक तत्वले डिप्रेसनबिरुद्ध लड्न मद्दत गर्दछ । यसको सेवनले स्ट्रेस र तनाबबाट मुक्ती हुने भएकाले दैनिक एक मुठी बदाम खानु राम्रो मानिन्छ ।

७। शिशुलाई लाभ
बदाममा हुने फोलिक एसिडले शिशुलाई मष्तिक, स्पाईन र स्पाईनल कर्डमा जन्मिदै देखिने समस्या हुनबाट बचाउँछ । तसर्थ, गर्भाधारणको सुरुवातबाटै आमाले बदाम खानु पर्दछ ।

८। छालामा चमक
बदाममा पाइने ‘मोनोस्याचुरेटेड फ्याट्स’ र ‘रिर्जभेट्रोल’ तत्वले छाला चम्किलो बनाउँछ । यसमा पाइने पोषणयुक्त फाईबरले छालामा हुने अत्यधिक तेललाई फ्लस गरी छालालाई नरम र चम्किलो बनाउँछ । साथै छालालाई चाउरी पर्नबाट जोगाउछ ।

९। कपाल
बदाममा कपाललाई सुन्दर बनाउने पोषणयुक्त तत्व हुन्छ । यसमा पाइने तत्व ‘लार्जिनाईन’ले कपाल बृद्धि गर्न सहयोग गर्छ । लार्जिनाईनले कपाल झर्नबाट जोगाउँछ ।

तपाईको प्रतिक्रिया