यो साइन्स फिक्सनको कुनै दृश्यजस्तो देखिन्छ । अमेरिकाको एयरफोर्स प्लेनबाट निस्किएर चारखुुट्टे रोबोटिक कुकुर मोजाभे मरुभूमीस्थित एयरफिल्डमा कुद्न थाल्छ । यसले भविष्यमा हुने युद्धको सम्भावित झल्को दिन्छ । तर, गत साता सम्पन्न अमेरिकी सेनाको अहिलेसम्मकै उच्च प्रविधिको प्रयोग कुनै सिनेमाको दृश्य होइन ।

एयरफोर्स न्युुजले ३ सेप्टेम्बरमा जारी गरेको समाचार विज्ञप्तिअनुसार एयरफोर्स सी–१३० मा उडेर सम्भावित खतरनाक एयरफिल्डमा पुुगेका सैनिकहरुले आफु विमानभित्रै बसेर रोबोट कुकुरहरुलाई खतरा पत्ता लगाउन बाहिर उतारेका थिए ।

यी अत्याधुनिक रोबोटहरु एडभान्स ब्याटल म्यानेजमेन्ट (एबीएमएस) प्रणाली जोड्ने एउटा पाटोमात्रै रहेको अमेरिकी सेनाले जनाएको छ ।

यस प्रणालीले अन्तरिक्षमा अमेरिकी सेनाको सम्पत्ती तथा अमेरिकामा सम्भावित मिसाइल्स वा अन्य विधिबाट हुने हमलाको जोखिम पहिचान र काउन्टरका लागि आर्टिफिसियल इन्टेलिजेन्स र ¥यापिड डाटा एनालिटिक्सको प्रयोग गर्छ ।

एयरफोर्स अफ आक्वजिसन, टेक्नोलोजी एन्ड लजिस्टिकका एसिस्टेन्ट सेक्रेटरी बिल रोपरका अनुसार भविष्यमा  सैनिकहरुसामुु युद्धमैदानमा सुचनाको दुविधाग्रस्त संकलन मूल्याङ्कन गर्नुुपर्ने चुनौती हुनेछ । ‘प्रभावकारी रुपमा लड्नका लागि उनीहरु नानो सेकेन्डमा गरिने डाटा सिन्थेसिसको भर पर्नेछन्,’ रोपरले एमबीएमएस अभ्यासबारे भनेका छन्, ‘डाटा नै युद्धको आधारभूत स्रोत हुनेछ ।

आगामी पुस्ताको युद्धमा जेट इन्धन वा स्याटेलाईटभन्दा यसको महत्त्व कम हुनेछैन ।’ ३१ अगस्टदेखि ३ सेप्टेम्बरसम्म आयोजित पछिल्लो अभ्यासमा कोस्टल गार्ड र उद्योगका दर्जनौँ टोलीसहित अमेरिकी सेनाका सबै शाखाको सहभागिता थियो । अभ्यासका क्रममा देशका ३० स्थानहरु  प्रयोग गरियो ।

नभाडास्थित निलइज एयर फोर्स बेस तालिमका लागि प्रयोग भएका स्थानहरुमध्ये एक थियो, जहाँ रोबोट कुकुरहरु एकसाथ बाहिर निस्किए । ‘हाम्रा सबै रक्षकहरुलाई विमान नजिक राख्दै कुकुरहरुले हामीलाई यस क्षेत्रको दृश्य दिन्छन्,’ एयर फोर्सको ६२१ औं कन्टिन्जेन्सी रेस्पोन्स ग्रुपका मास्टर सर्जेन्ट लि बोस्टनले भनेका छन् ।

यी कुकुर रोबोटको उत्पादन घोस्ट रोबोटिक्स अफ फिलाडेलफियाले गरेको हो, यस कम्पनीले उनीहरुलाई भिजन ६० युुजीभी वा स्वतन्त्र मानवरहित ग्राउन्ड भेहिकल्स नाम दिएको छ ।

यस कम्पनीले कुनै पनि मैदान वा वातावरणमा सेन्सरहरुको समुह र रेडियोहरु बोक्दै सञ्चालनमा आउनसक्ने रोबोटको क्षमताबारे प्रचार गरेको छ । खुुट्टासहितका अन्य रोबोट र परम्परागत व्हिल–ट्रयाक्ड युुजीभीहरुको दाँजोमा कम प्राविधिक कठिनाइसहित  खुुट्टासहितका हाम्रा रोबोट डिजाईन गरिएका छन्,’ कम्पनीको वेवसाइटमा उल्लेख छ, ‘कठिनाइ कम गरेर हामीले स्वत यसको स्थायित्व, तिव्रता र धैर्यता बढाएका छौं । हाम्रा क्यिुु–युुजीभीहरु रोकिदैनन् ।’

भविष्यमा यी रोबोटहरु अमेरिकी सेनाको महत्त्वपूर्ण हिस्सा बन्नसक्छन्, एयर फोर्सको विज्ञप्तिले यसलाई ‘किल चेन’ भनेको छ । ‘सबै युद्धक्षेत्रमा  स्पिडमा अन्डर थ्रेटमा सेन्सरलाई सुुटर्ससँग लिंक गर्न एबिएमएस कसरी प्रयोग गर्ने भनेर हामी खोज गर्दैछौँ ।

सूचनाको युुगमा लड्न  र जित्नका लागि यस्ता सोच र क्षमतालाई परिपक्व बनाउनु जरुरी छ,’ स्पेस अपरेशन्सका प्रमुख जनरल जोन रेमण्डले भनेका छन् । ‘हाम्रा वारफाइटर्स र फाइटर कमाण्डहरुले जित्नका लागि इन्टरनेटको स्पिडमा लड्नैपर्छ,’ एयरफोर्स चिफ अफ स्टाफ जनरल चाल्र्स ब्राउन जुनियरले भने ।

स्रोत : सीएनएन

तपाईको प्रतिक्रिया